潮洲牛肉丸 (店名：德发) - 尖沙咀海防道熟食中心（桥底） 海防道入口最入的一檔。
特点：肉爽弹牙、汤底靓，能够保持牛肉嘅鲜味（广州未食过），呢档嘢净食牛肉丸就得啦，其它不作推介。
据闻：香港好多人会打的嚟呢度食。
注意：桥底有好多间粥粉面档，间间都话自已喺最靓，一定要认住德发嗰招牌！！
杨枝金露 (店名:口甜舌滑) - 旺角道与弼街中间一段之西洋菜街
特点：选料上乘、够晒大碗，一碗可以两个人食。HKD26/碗
用料：越南西米、西柚、吕宋芒、泰国椰汁
做法：将西米煮熟过冷河（煮西米火候要注意，小心煮烂），西柚去皮挖肉，芒果一半打烂成果汁、一半切成粒状。先将芒果汁与西米、椰汁加热搅混，等温度降低后放入西柚肉搅混，置于冰箱冷藏。食时加入芒果粒即可。
感觉：西米滑、芒果香、椰汁甜加上西柚略带酸味的爽肉。口感一流。
总结：该店出品较“许留山”好好好好好！！！
? ?
其它推荐：核桃露、南瓜芦荟露、蒜香鸡亦
铜锣湾鹅颈桥桥底炒蟹
特点：够火候、味道。。。。就连蟹壳都想食埋
知名度：大多数香港人都知
地址系：铜锣湾骆克道429号6-10号铺
特色面包
店名：Panash ? （全港叁间分店）
地址：九龙窝打老道与亚皆老街之间嘅梭亚道（附近有培正中学）
营业时间：AM10：00——PM11：00
出炉时间：AM10：00、PM4：00
特价时间：逢星期三
重点推介：罂粟子（鸦片灭活种子,冇毒性)栗子(板栗)面包、吞拿鱼面包等
特点：香港结合咗中西方嘅文化，喺呢度你会发现好多从未见过嘅面包款式。嚟到门口，你会闻到浓浓嘅面包香味。一定要试下呢度嘅罂粟子栗子面包,罂粟子是西方重要嘅香料成份,通过烘烤,会散发出一种特殊嘅香味,口感爽脆,配合香甜嘅栗子容,令你一试再试。（罂粟子喺大陆仲未批准上市）
店名:夏铭记面家（Ha Ming Kee Noodie Shop）
地址：九龙窝打老道（或胜利道）67E地下
TEL：852-2713 4323
营业时间：AM10：00——PM11：00
特色嘢：鱼四宝
特点：汤底靓，用好多种鱼煲出嚟。鱼四宝鲜甜爽口，保留咗鱼嘅鲜味。
知名度：喺九龙比较出名，只此一家，别冇分店。
牛肉饭
店名:吉野家
菜系:日本菜
地址:九龙亚皆老街太平道转弯位
推荐:牛肉饭
说明:吉野家是日本本土大型饮食连锁店
店名:澳门茶餐厅
地址:尖沙咀乐道
老细：澳门何家四姨太(梁安琪）
推荐:猪仔包、咖喱、葡挞、冻奶茶等
特色：咖喱香滑味浓，椰汁份量恰到好处，使你食完仲想再食
? ?
葡挞胜在热辣辣，够新鲜；如果比起澳门嘅安德鲁葡挞就仲差咗D，不过喺香港已经算喺唔错。
无冰香滑冻奶茶
店名：金凤茶餐厅
地址：港岛湾仔春园街41号
营业时间：AM6：45--PM7：00
TEL：852-2572 0526
推荐：无冰香滑冻奶茶、鸡批（HKD5）、蛋挞（HKD3）
特色：呢檔嘢嘅奶茶采用Lipton沟金玫瑰茶、荷兰黑白水奶冲制。老细冲茶功夫犀利，能够冲到D奶茶香浓而不涩口。冻奶茶仲吸引，直接原杯放入雪柜冷藏，绝对飞冰，唔会越饮越淡。鸡批嘅批皮松脆富牛油香。蛋挞注重蛋香味，少加奶，所以食起上嚟有别于普通嘅鲜奶蛋挞。蛋挞皮用猪油制，出炉时黄亮抢眼，蛋香诱人。
特别提示：如果想食，一定要早。因为上面三样嘢每朝好快就会沽清！！！！！
牛展包店名：祥兴茶餐厅
地址：跑马地奕荫街（黄泥涌道附近）13A
营业时间：AM6：30--PM6：10
TEL：852-2893 5603
推荐：牛展包、菠萝油特色：新鲜牛展用卤水煮两三个锺，够晒入味。再用松软嘅面包夹住嚟食......
特别提示：想见明星就嚟多D啦，因为有唔少明星专程揸车去食。嗰度有两间祥兴茶餐厅，只不过多咗一个“新”字。不过两间都OK，都喺出自同一个老细。不过调查所得，“新祥兴”反而是老店嘅班底。
及第粥
店名:富记
地址:九龙旺角花园街104号
TEL:852-2385 1230
营业时间:AM7：30--PM11：30
推荐:及第粥、烧味粥
特色:粥底采用北海道宗谷县的瑶柱(香味浓厚)、腐竹（更香滑）、炭烧大地鱼（更香甜）等原料煲成。米采用双羊米沟油粘等两三种，如果单用双羊米，粥够绵但会好糊口，加咗粘米就会较爽身。所以，佢嘅粥底香绵得嚟，带有D米花增加口感，点搅都唔会变稀出水。粥料嘅配搭有成廿种，必试招牌生滚及第粥同烧味粥。
滑溜肠粉
店名:合益泰
地址:深水步桂林街121号
TEL:852-2720 0239
营业时间:AM6：30--PM8：30
肠粉系街头小食,不过普通嘅肠粉一喺就入口似粉团唔够滑,一喺就够滑又淡而无味。呢度嘅肠粉就啱啱喺滑溜而带D米香嘅靓货。呢间店做嘅肠粉负责供应俾小贩、酒店等，做咗成廿几年，自己兼顾埋零售。选用粘米粉加澄面做成水磨米浆，蒸好后用人手搓成细条，绝对唔用石膏粉，所以食起上嚟得两个字——滑、香。用嘅酱料都喺自己调制，麻酱加入咗烧腊油，加埋炒过嘅芝麻仲香。
印度羊肉
店名：SANGEET
地址:九龙尖沙咀棉登径17号华枫大厦地下
TEL:852-2367 5619
推荐：古法羊肉咖喱ROGANJOSH、羊肉饭PISTA KULFI 、奶酪LASSI、自制雪糕等
特色：肉很嫩，巴辣咖喱辣味够，好刺激，味道奇佳，的确系正宗嘅印度口味。最精彩嘅系羊肉饭，将羊肉爆香后同饭一齐炒，然后装入一个陶碗，上面盖上一层面包皮，再攞去炉里边局。嗰D肉汁全部入晒落D饭度，色香味俱全，其它印度餐厅食唔到。
燕窝腊味煲仔饭（HKD138）店名:帝苑轩
地址:尖沙咀么地道69号帝苑酒店地库二层
TEL:852-2724 2666
营业时间:（一至六）AM11：30--PM3：30 PM6：00--PM11：00
? ? ?
（日） ? AM10：00--PM3：00 PM6：00--PM11：00
D米煲到八成熟时，师傅先将已爆香嘅腊味同浸透咗嘅燕窝放上去，然后用慢火局15分锺，等D腊味油香渗入饭道。提示：食嗰时记得先捞匀。
地道嘅冲绳美食
店名：CHARA
地址：九龙广东道100号彩星集团大厦
TEL：852-3105 8950
班底：厨师都系从东京同冲绳岛请番嚟，店里面嘅一草一木都系从日本运嚟，好有FEEL。
推荐：海葡萄UMIBUDO、牛舌柔厚烧、海雪MOZUKU等
特色：海葡萄UMIBUDO 唔系想象中咁似平时食嗰D葡萄，佢睇起上嚟有啲似鱼子酱，一串串放喺碎冰上面，口感非常爽脆（一定要试）。牛舌柔厚烧微火蚊八个锺，入口即化，用好少嘅调味料，所以能够保持原味。海雪MOZUKU 唔系个个都食得，因为口感同味道好怪，讲唔出。。。。。（就好似榴连，如果你锺意食，你会好上引）。仲有一种值得试嘅系叫海老芋嘅芋头，只有冲绳先揾得到。
低卡豆腐蛋糕
店名：Harvester Cafe & Bakery
地址：鲗鱼涌海光街11号汉威大厦地下1B铺
电话：852-2110 4882
营业时间：星期一至星期六: 11:30am-10pm
低卡豆腐蛋糕，用上新鲜百福豆腐，底层是麦维他饼，入口的豆腐慕丝甚为嫩滑，味道不会太甜，而且麦维他饼香脆松化，一软一滑，低卡路里之余，又可品尝到甜品的滋味。
麻薯包，每天新鲜主理，外脆内软，绝对是营养新口味。
鲜芒肠粉、真心汤丸
名：御品居甜品
地址：九龙旺角广华街3号百利达广场地下一号铺
电话：2771 8105
营业时间：星期一至日：1.30pm-1am
真心汤丸，以水晶皮包住红豆蓉，雪冻后口感像蒟蒻，不会太甜。
鲜芒肠粉，滑溜肠粉皮以日本和菓子粉加椰汁造成，里面的馅料全系新鲜芒果肉，面头淋上芒果汁，再撒上椰菜碎扮葱花，相当搞嘢。
手磨杏仁汁雪蛤炖椰皇、满意特橙
店名：满意甜品
地址：香港筲箕湾东大街42A金来大厦地下
电话：2886 8097
营业时间：星期一至日: 12AM-12PM
首创手磨杏仁汁雪蛤炖椰皇，拥有啫喱般的口感。满意特橙，先将橙肉攞走，再酿入芒果、西米、蜜柚和橙汁等等，好受欢迎。
酥皮焗蛋白店名：甜这儿
地址：九龙红磡崇洁街6号地下
电话：2334 0133
营业时间：星期一至日: 12AM-12PM
鲜奶焗蛋白，呢款甜品采用焗的方法，将蛋白面焗至微黄，里边依然保持嫩滑，如果想食得再刁钻D，加酥皮焗仲香口。呢款甜品系即叫即焗，所以食嗰时千其唔好心急，因住烫口。
榴莲布甸、芒果沙律卷
店名：糖点
地址：九龙弥敦道769号地下I-J铺
电话：2398 3821
营业时间：星期一至日: 12noon-1am 、休息日 每月第一个星期日
榴莲布甸的颜色呈淡黄，好似冇咩特别，但原来入口香滑似炖蛋，就好似啖啖都系无核榴莲肉，唔会太甜但越食味道越浓，口中充满咗榴莲的清甜香味，食多多都唔会腻。
芒果沙律卷，系即叫即包即炸，保证新鲜。
西龙传香饭团
地址：尖沙咀亚士厘道18号东亚中心地下（近宜昌街）
电话：2377 9197
西龙传香饭团(QQ Rice)源于台湾，创立于1988年，主张以健康米食，例如五壳米、红米、紫米、糙米及小麦胚芽米等，再配上不同的馅料做成健康饭团。可于50几款馅料里边任选6种配料，配出自己的口味。
独特卖点
1. 专人研究，无论在稻米之拣选、水质要求、温度控制、酵素份量、烹任器具及技术，以至米饭的煮熟程度及时间控制，每个项目都有标准并受严格控制。
2. 选用超过100种来自世界各国天然健康米种，配制出六种饭团，及超过五十几种地道台湾及香港自家特色馅料，过百种配搭口味，新鲜即食，令到米食饭团变成了一种乐趣。
3. 成功研制「不胀气科技」，将健康酵素加入饭团，帮助消化，食几多都唔会「滞」。
千 千 莓 子 挞 (Wild Berries Tart)
店名：The Cottage
电话：9175 2720以 最 新 鲜 的 各 式 莓 子 (士 多 啤 梨 、 蓝 莓 或 红 莓) 为 您 准 备 一 客 轻 巧 清 新 的 果 挞 。 配 合 即 日 手 制 的 挞 皮 和 The Cottage 特 别 创 制 的 多 层 奶 油 吉 士 ， 千 千 莓 子 挞 绝 对 令 人 垂 涎 欲 滴 。
Black Forest Gateaux
是 The Cottage 的 招 牌 蛋 糕 ， 除 了 用 上 特 选 的 忌 廉 制 造 外 ， 还 加 入 浸 香 的 车 厘 子 ，入 口 有 浓 浓 的 酒 香 ， 配 上 饼 面 的 特 制 瑞 士 朱 古 力 碎 和 包 围 饼 边 的 杏 仁 ， 使 口 感 更 为 香 口 丰 富 ， 必 令 大 家 食 完 仲 想 食。
劲辣推介：麻辣鱼蛋位于太子花园街与弼街交界的麻辣鱼蛋，系著名小食。店名唔记得咗，不过亦都唔难揾。只要揾下边档最多人买就知啦，唔系夸张，我食咗咁多次，次次买嗰D人多到好似银行济堤咁。
D鱼蛋细细粒，同其它普通鱼蛋唔同，好弹牙。值得推荐嘅地方系佢嘅“辣”，辣得嚟好香，应该系自制品。每次都好想问老细攞番樽。
面
店名：永华面家
地址: 湾仔轩尼诗道89号地下
电话: 2527 7476
手打面，口感好, 面条带着汤底, 滑而冇碱水味,用鲨鱼汤底, 浓以不浊. $22-24 一碗, 双拼四拼一律$28!!
D酸萝卜仲正呀,免费o架,送面简直一流。
荣记车仔面
铜锣湾糖街又一明星店, 又系排哂队果款~~~
猪红, 萝白南记粉面
地址 : 铜锣湾波斯富街106号地下 and 糖街
电话 : 2576 4451
营业时间 : 7:30am-11pm
猪红, 萝白, 排队都非试不可。
罗富记粥面专家
中区皇后大道中144号地下
2543 3881
世界饮食杂志游香港必食之一,佢嘅蚬介鲮鱼球好有鱼味兼且弹牙,加D蚬介酱更添其咸香。
手打乌冬屋
地址：炮台山电器道180号
电话：2512 0233
D乌冬真系好弹牙, 个老阁以前仲系太古城嘅屋台屋居酒屋做过, 系一个真正嘅日本人，但又识几句广东话咁, 我自己就钟意果度嘅冷乌冬, 配料系可以自己拣嫁.....正！
但系佢会唔定时咁休息, 有时行过想去食, 佢又无开, 而且d乌冬面卖哂, 就无嫁啦
乌冬到处都有得卖，有咩特别呢？乌冬屋，店铺细细，但日式风味特别浓，齐藤师傅专程由日本订嚟小麦粉，做成粉团，再用脚压、用手打，制成手打乌冬，弹性、味道特别好！
乌冬好烟un.腐皮甜甜地,汤底好浓昆布味,师傅系日本人,…..整体好日本呀！！！！！！！！！！！
店名 ：安利
地址 : 筲箕湾筲箕湾东大街55号 (天后庙侧)
TEL : 2560 6897
清汤腩捞面(要食爽嘅!!) 好味呀~不过而家有成3间安利系同一条街, 最出嗰一间(如果你系从地铁站行入去东大街)唔系同另外两间同一个老板, 而呢间既隔离嗰间安利就系最原来嘅一间~
边间好食就见仁见智, 不过我D香港网友话D老师傅通常喺最新嘅铺(即系最入过一间)，D鱼蛋同鱼片真系好正
最特别系可以叫鱼片头河/面, 即系鱼片嘅头
佢地嘅鱼蛋同鱼片系自制
去呢度想试齐两款招牌美食, 可以叫片头切腩双并, 如果喜欢食捞面，一定要试下佢地嘅豉油捞粗, 系第二度系试唔到嫁, 试齐三款就叫片头切腩豉油捞粗
呢间安利喺周末, 假日成日要排队, 好多名星同有钱人去嫁, 当然仲有街坊啦~
不过12:00后必售罄
店名：勒宝轩
TEL ：2771 2393
地址：油麻地白加士街131至135号地下（ 近 佐 敦 地 铁 ）
营业时间：平日8:00AM - 12:00PM ，星期日及公众假期 11:00AM -12:00PM
烧焗酥皮羊扒 $108
选用膻香肉嫩的新西兰羊扒，以新鲜香草腌制，扒至五成熟左右，用酥皮裹，入炉焗至皮脆。食嗰时记得淋烧汁，因为嗰D浓浓的迷迭香味，跟羊最匹配。酥皮锁住羊肉的香和汁，故此刀切下去，肉味马上四散，肉汁净系细嚼嗰时先流出，其实伴碟的配菜亦不马虎，如焗田螺同薯茸，一鲜一绵，索尽羊肉汁。
炸香蕉墨西哥卷 $40
用墨西哥玉米饼Tortilla卷香蕉来炸，最后缀以朱古力条及呢拿雪糕，香蕉受热，变得更腍更甜，雪糕令香蕉味道更甜，朱古力条是用薄片卷成幼条，遇上37.5℃的体温后渐渐溶化，卜卜脆的墨西哥卷，跟雪糕成冷热对比，集冷、热、软、腍、脆、滑于一身的甜品，替晚餐画下完美的句号。
店名：Tonkichi
地址:铜锣湾告士打道280号世贸中心P412室
电话:2577 6617
菜式:日本
食品种类:小食,刺身
营业时间:12nn-3pm, 6pm-10:30pm
d吉列很松脆,我最仲意系生蚝同猪柳,记住加个萝卜醋,点猪排一流.佢d椰菜丝特别好味,仲可以无限量添加.
店名：ironWOOD Café
地址:香港岛天后琉璃街13号
电话:2570 9933
推荐：木熏菜、石炉烧Pizza及Homemade甜品。雪松木熏烤源于美国一群土著部落。将食物放喺雪松木上边，再一齐放入高温嘅石炉里边熏烤。烤出嚟嘅食物保留咗原嚟的鲜味，仲加入咗雪松木嘅清香。
石炉烧意式Pizza系用高温嘅石头快速烧D意式Pizza，咁样做能够使到上面嘅肉汁充分咁保留喺Pizza入边，唔会太干。加上脆卜卜嘅Pizza，简直系天作之合。
Homemade甜品全部选料都嚟自欧洲，自己创作新花款，件件都好似艺术品咁，真系唔舍得食。。。。
日式釜饭、锅物店名：富（日本料理）
地址：九龙尖沙咀棉径7-9号
电话：2366 1078
营业时间：12：00NN-2：30PM
? ? ?
6：30PM-10：30PM呢度出品嘅釜饭，米选用日本秋田米，就连葱花都嚟自日本。煮饭用嘅水唔系一般嘅清水，而系用昆布木鱼汤。煮好后饭粒湿润，冇饭焦，粒粒饱满香甜。
锅物，系日本人冬天成日食嘅菜式。材料多数用鱼同蔬菜，配上昆布汤底。食嗰时好讲究，因为D料煮嘅时间唔一样，所以食嗰时会有专人同你按顺序落料，自己唔使操心，喺唔喺好有残废FEEL呢。
即制海胆三文鱼饭（HKD150）
日本广岛生蚝局饭（HKD120）
店名：梦幻饭堂
地址：中环威灵顿街71号地下
电话：2136 3033
营业时间：星期一至星期六: 7:15am-11pm
? ? ?
星期日休息黑醋小排骨系必食之选，大厨将排骨腌制好，再炸香，最后加上菠萝、醋汁跟排骨一齐混合炒，特别嘅地方系用咗黑糯米醋，比普通醋更健康，唔伤胃，而排骨惹味得嚟又唔会太肥腻，有D甜甜嘅醋汁，口感丰富，引发无穷食欲，唔少食客都食过番寻味。
羔蟹蒸糯米饭系另一款滋味推介，大厨会先将糯米浸软，放喺荷叶上边，加入蒜头，再连羔蟹一齐蒸，一打开蒸笼就闻到香喷喷嘅饭香，糯米饭渗透咗羔蟹嘅肉味，口感烟韧，而蟹肉嘅质感更加清甜爽嫩，两个一齐摆入口，饭香蟹甜，食嗰时唔使加任何调味料，都能真正品尝到蟹肉的鲜甜。
Hot Dog
店名：Hot Dog
地址：香港中环荷里活道活麟大厦地库D铺
电话：2543 3555
营业时间：24小时
价位：好似系 $20
好耐冇食过热狗啦，新鲜嘅热狗，面包松软，肠仔脆香，咬落去嗰时仲“姐”一声，吱晒D热辣辣嘅酱汁出嚟，几有FEEL啊。。。。
喺度介绍一间位于中环行人电梯附近嘅热狗专门店——Hot Dog。佢卖嘅热狗都是大大只，每只热狗都配有洋葱、茄汁和芥末，有D热狗好似“辣味热狗”仲配有肉酱，一口咬落去，成口都系香肠同肉酱。
手撕鸡粥
店名：京官御用南方小厨
地址：香港中环伊利近街49号地下
电话：2841 8878
营业时间：星期一至日: 11am-11.30pm
手撕鸡粥喺中环已经流行咗三十几年，亦系京官御用南方小厨嘅招牌。京官御厨先用药材腌制鲜鸡，煲粥后用人手撕肉，与特制香料一齐加入鸡粥道。如果同鼓油皇炒面一齐食咁就最好不过啦。其它仲有受欢迎嘅椒盐四拼，客人可以从鲜炸豆腐、猪扒、鱿鱼、九肚鱼或茄子中随意配撘，全部大件夹抵食。泰皇酱烧骨用新鲜肉排制，炸后淋上泰式酱汁，酸甜中又带点微辣，是开胃小菜之选。
店名：仙果园（台湾食品）
地址：九龙旺角豉油街68号铺
电话：2783 8518
营业时间：星期一至日:11:30am-1:30am
休息日：年初一、二、三、四
推荐：台式蕃薯豆沙饼、五香肉卷、四色果汁、蚵仔面线、海参鸡煲、香辣东坡肉、香酥芋饼
仙果园卖的是台式食品，品种好多，而且仲好好味。平时会有好多明星帮衫，好似2R、Isabella等都系仙果园嘅常客。想同佢哋一齐食？不妨到呢度碰碰运气！
台式蕃薯豆沙饼
蚵仔面线（必食）
炸生菓朱古力云吞店名：慢吞吞云吞专门店
地址：佐敦庙街286-298号华志大厦地下D&E室
电话：2302 0511
营业时间： 星期一至星期日8:00am -11:00pm
位于佐敦庙街嘅慢吞吞云吞专门店推出咗21款配合全新用料的云吞，每款都令你意想不到，人气之选梗系“炸生菓朱古力云吞”啦。炸得脆脆哋嘅外皮包住香浓嘅朱古力，系口感全新嘅体验。注重健康嘅人，我会介绍佢食杂菌鲜虾大云吞同杂菜大云吞，再配上用新鲜鲗鱼熬成的鲜甜汤底，滋味唔使讲。除此之外，呢21款新颖的广东云吞仲可以配合西式嘅烹调方法，例如黑椒汁烩云吞天使面，口味独特，成个香港就得呢家有得食。
越式咖喱鸡煲、猪颈肉滨海、香草大头虾
店名：滋味馆
地址：香港铜锣湾骆克道472号地下 (纽约戏院对面)
电话：2572 3711
营业时间：星期一至六11.30am-12midnight，星期日5.30pm-12midnight
滋味馆整嘅系越南菜，传统与创意菜式兼备，传统好似“越式咖喱鸡煲”，用鲜鸡同南姜、香茅等多种香料炮制成，最适合同饭或者面包一齐食。最新创意推介有“猪颈肉滨海”，呢碟菜好似仲系新城电台主办嘅第二届「食神争霸战」道，攞到粉面饭组嘅金奖添。猪颈肉经秘制腌料腌过再炭烧，伴以青瓜、生菜、香花菜、芽菜及滨海粉，可中和猪颈肉嘅油腻，再配上秘制鱼露，配搭一绝。滋味妃子骨是滋味馆的另一创新菜式，以自制酱料烧烤，烧骨惹味非常，令人越食越开胃。另一款招牌菜「香草大头虾」，大大只越南咸淡水大头虾，配以越南香草，极富越南特色。
店名：格兰印度会
地址：香港中环威灵顿街64-66号裕荣商业大厦二楼
电话：2522 6098
营业时间：星期一至日: 11.30am-3pm,6pm-11.30pm
平时有唔少印度人嚟呢度聚脚，所以提供嘅印度咖喱同美食包保正宗。食得辣嘅可以试下特汁香烧鸡柳(Murgh Tikka Masala)，Masala系印度咖喱中较为辛辣嘅一款，将烧香嘅鸡柳以Masala汁煮至软身，食嗰时配上新鲜出炉嘅印度烤饼就更加滋味。而另一款香烧春鸡，亦系印度菜中好普遍嘅菜式，但呢款真系普通得嚟又好好食。春鸡以多种香料腌好后烤至香脆，然后以烧红铁板上桌，保留烧烤嘅效果。
店名：董家菜
地址：香港中环士丹利街60号明珠行2楼
电话：2571 5168
营业时间：星期一至日：12noon-3pm, 6pm-10.30pm
推荐：八宝葫芦鸭、乾隆炒鞋底、香港第一包、蟹壳皇、八宝饭、风鸡
古法炮制的“香港第一包”，唔少食客都宁愿唔点饭，都要试一下。“蟹壳皇”外形圆碌碌，好似一只只大闸蟹，用自制嘅豆沙同枣茸为“蟹壳皇”做馅，其中以枣茸馅最值得推介。甜甜枣茸入口清香，但喺绝对唔会觉得漏，其它地方未必食得到。“风鸡”嘅鸡身需要腌一个星期，然后吊起风干，将盐水味辟去。净食或者作为“乾隆炒鞋底”嘅馅，一样咁香。
听讲董特首经常帮衫呢间嘢，睇下到时有冇机会敲下佢个老虎头。。。
海南鸡饭、牛腩面
店名:易记
地址:上环文咸东街38号地铺
电话:2850 6380
营业时间:星期一至日:7.30am-10pm
招牌菜海南鸡饭，表面睇起嚟好简单，但食落就知道与别不同。易记用咗新鲜肥大嘅白切鸡，每块鸡都同你去埋骨，保证嫩滑之余又带有肉汁，而秘制嘅香饭食落唔会感觉到油腻，食完之后会有一种特别嘅香甜味徘徊喺个口度，净食饭都值回票价，加上新鲜姜茸、新加坡豉油同辣酱，令人食到唔停得口。
易记牛腩面采用清汤腩手法炮制，药材味较淡之余亦较少油，牛腩肉腍而且吸收咗萝卜嘅甜味，原汁原味简直连汤都要饮埋。
沙嗲炒牛河
店名：飘香潮州卤水专门店
地址：香港西环皇后大道西425号X铺
电话：2546 8811
营业时间：星期一至日：11am-11pm
沙嗲炒牛河，师傅先将河粉炒香，然后先至淋上秘制嘅沙嗲牛肉，唔会好似一般嘅广式炒牛河咁，将河粉同老抽边炒边混合，食嗰时河粉仲保持干身，不油不腻。
秘制惹味辣汁
店名：新记车仔面
地址：香港铜锣湾登笼街49号地下B铺
电话：2573 5438
营业时间：星期一至日: 11:30am – 11:30pm
位于铜锣湾灯笼街街头，浓郁而麻辣芳香嘅味道，充斥住整个街角，远远闻到，确实情不自禁走过去。
原来呢种香浓嘅麻辣香味，系嚟自新记嘅秘制酱汁，呈棕黑色嘅辣酱，口感香滑，既有辣椒嘅甘香，亦带有咖喱嘅香甜，配合热腾腾又爽滑嘅车仔面，绝对系回味无穷。
正宗日式班戟店
店名：Ichipan Crepes
地址：香港铜锣湾景隆街五号联成商业中心地下3B铺
电话：2117 0007
消费：$20
营业时间：星期日至四: 12noon-1am, 星期五、六: 12noon-2am
风靡日本嘅Ichipan Crepes喺香港开咗新店，而所用的班戟秘方则有27年历史，所有班戟都喺开放式厨房即叫即做，令到整间店嘅空气都充满阵阵香甜味。喺Ichipan Crepes嘅客人可以选择咸、甜、冷或热嘅班戟，馅料多元化之余亦不断创新，紧贴住日本最IN款式同香港人嘅口味。而经典馅料好似意大利芝士饼同芒果芝士饼都是每日由大厨亲手准备，保证新鲜。
四川泸州滑粉、鸡汤米线
店名：嫲辣粉
地址：铜锣湾罗素街2-4号2000年广场地下5-6号
电话：2574 8181
消费：$20
营业时间：星期一至日: 11am-11:30pm喺嫲辣粉你会食到四川泸州特产：一种以蕃薯粉制造嘅滑粉。呢种呈透明状嘅滑粉，比一般淀粉质重嘅米粉较为健康。招牌滑粉嘅材料包括猪肉丸、鲮鱼球、鲜菇同蚝仔。
驰名鸡汤米线，老火鸡汤底用淮山、杞子、党参同鸡壳等熬制而成，味道浓郁；再配上鲜鸡肉、鲜冬菇等即煮即食，保证新鲜。
House Blended咖啡店名：Café 206
地址：香港铜锣湾渣甸街50号武夷中心26楼B座
电话：2577 2477
营业时间：星期一至日: 2pm-12midnight
上次朋友带我去铜锣湾一座大厦的顶楼，话有靓嘢介绍。入到去一睇，原来系一间几有情调嘅咖啡厅，装修好特别，成间嘢好似马路咁。路牌、汽车模型等都喺装饰之一，甚至连钟都喺仿轮胎型嘅。听讲话老细锺意车O呙。
朋友讲话呢度嘅咖啡好多都得过奖，但喺非要试嗰只House Blended咖啡。因为用嘅咖啡曾分别喺法国尼斯同曼谷嘅咖啡试办会中得到最受欢迎品牌嘅奬项，保证有一定嘅水平。于是叫咗一杯，几多钱就唔知啦，因为喺朋友请。一捧上嚟，哇~~ 真喺好香，唔识讲，要大家亲自试过先知。值得一提嘅喺Café 206嘅老细喺业余魔术师同占卜师，随时会为你表演一D小魔术同替客人占卜而唔使另外收费。嗰次去度就碰啱佢出嚟表演，都过得去啦。
无骨鸭舌、麻香鸡脚根、醉鹅肝店名：阿鸿小吃
地址：香港北角和富道84-94号银辉大厦地下4号铺
电话：2570 1108
营业时间：星期二至日: 11am-10pm
休息日：星期一
老细将鸭舌整到好干净，上枱时排得好靓，入口好滑，但系又好爽口，细嚼有麻油嘅甜味，如果系冇去骨嘅就会多咗一份咬嚼感，令人爱不释手，食唔停口。麻香鸡脚根就好有咬口，一食就上瘾，而且送烧酒一流。醉鹅肝用烈酒煨出香味，听讲连蔡澜都对阿鸿小吃嘅出品都赞不绝口。
讲开北角，记得有一次落香港，朋友带我去咗一间店度食云吞担担面，觉得好特别，今日介绍俾大家。店名：陆仔记面面园茶啡馆
地址：香港北角堡垒街19号地下
电话：2512 0622
营业时间：朋友话佢一至七都营业招牌云吞担担面，有自制嘅酱汁配搭。有小辣同大辣两种选择，配合正宗上海白面一齐食，真系唔错，加上汤底采用云南火腿同猪骨用传统方法慢慢肴煮，完全唔落味精嫁。
避风塘炒蟹、椒盐濑尿虾店名：喜记
地址：湾仔谢菲道392号地下
电话：2893 7583
想食避风塘炒蟹一定要到喜记，因为喜记嘅避风塘炒蟹出名够份量同新鲜，听香港D大厨朋友讲，佢哋每只蟹都从越南入口，呢种蟹生活喺咸淡水交界，所以比一般蟹更鲜甜嫩滑，而且只只都最少两斤重以上，加上秘制蒜粒同指天椒嚟炒，香浓野味兼夹辣得劲。上汤水浸大蚬带少许辣味，大蚬鲜甜唔会带沙，老板话蚬汤知阴养颜，好味又有益。试过佢哋嘅椒盐濑尿虾，认为值得推荐俾大家。
听朋友讲，最近喜记新出真空避风塘炒蟹，将炒好嘅辣蟹放入密实盒里边保存，再用胶袋抽真空封口，可以放喺雪柜20日都唔变。哇！咁米落开去买一只返上嚟大陆食都唔怕？仲有一样嘢，就系刘德华、常盘贵子等名星都极力推荐，上次去开，见D墙上嘅明星签名同相片多到数唔晒，下次去唔知有冇机会碰到，攞番张签名相呢？
店名：虾面店
地址：湾仔兰杜街2号丽都大厦8号地铺
电话：2520 0268
营业时间：星期一至六: 11am-7pm
休息日：星期日
菜系：马来西亚推荐：四款各有特色嘅汤底辣味虾汤底要用４个锺以上准备，先至能做到汤底鲜甜，充满虾味又带点辣，好开胃醒神但喺又唔会油腻。咖喱喇沙汤底梗喺黄色啦，汤底用咗二十几款香料制成，将香料炒足４个锺，再加入椰汁，浓浓嘅香滑汤底就完成，配豆卜就最理想。虾面店嘅猪骨鸡汤底唔会好似日本拉面D汤底咁呈奶白色，反而系清清嘅，适合一D唔锺意辣嘅人。喺４种汤底里边，又以福建卤面最受欢迎，福建卤面嘅汤底有D似碗仔翅，加入咗虾汤，质感与别不同。
鱼蛋粉（潮洲）店名：成兴仔鱼蛋粉
地址：湾仔湾仔道69号地下
电话：25722488
营业时间：星期一至日: 6.30am-9pm
成兴仔鱼蛋粉喺店辅入边自设工场，以新鲜九棍鱼同黄鳝手打鱼蛋。佢哋喺香港仔同长沙湾都有鱼栏，真正嘅自给自足，确保用料新鲜。除咗招牌鱼蛋，潮州四宝同鱼片头都喺重点推介之一。潮州四宝用料包括鱼片、鱼扎、鱼饺、墨丸、贡丸、鱼蛋同扎肉，七种口味都喺卖$20；而鱼片头即是整条鱼片嘅头尾部分，可以讲喺精髓所在，特别金黄香脆。由于呢度系一间潮州面店，店里面仲有D潮州食品好似蚝仔肉碎粥。唔能够唔讲嘅喺佢哋嘅秘制辣椒油，嗜辣人士不容错过。
牛腩、牛什
店名：华南粉面茶餐厅
地址：湾仔谭臣道5-11号D铺
电话：2527 2478
营业时间：星期一至五: 6.30am-3am
每日以新鲜牛腩、牛筋同牛杂为原材料，用自制柱侯酱、卤水炆至少三个锺至入味，听讲佢哋嘅牛腩每日可以卖过百斤，成为镇店之宝。除了招牌嘅潮式粉面，念旧嘅老板推介怀旧小食——奶油麦多，甜甜嘅麦包烘至金黄，涂上牛油同甜炼奶，再配埋以精选红茶调配嘅靓奶茶，彷佛番到去童年时代。
店名：新丰记牛什鱼蛋大王
地址：湾仔庄士敦道149号地下
电话：2574 4328
营业时间：24小时
新丰记嘅招牌食品当然喺手唧鱼蛋，仲有手打牛丸，普宁肉丸，手辘鱼面等。所有汤底都用鲍鱼，向螺，猪骨，每天煲足八个钟。汤底清甜，配河粉吃最能突出鲜味。
店名:东岘越南轩
地址:鲗鱼涌太古城第5期太裕路3号顺安阁地下G512-513号铺
电话:2569 7928
营业时间:星期一至六: 11.30am-11.30pm 星期日及公众假期: 11am-11.30pm
要试出越南餐厅嘅真功夫一定系生牛肉河粉，东岘嘅汤底用牛骨、红萝卜等配料熬足二十四个锺，火喉十足，配以牛冧肉薄而腍滑，紧喺高水平之作啦。仲有大头虾汤，先用虾膏、香茅等熬制汤底，然后配上大头虾,搞掂.味道略带一D香辣，阵阵虾味漂晒出嚟，绝对开胃醒神。
店名:竹源越南餐厅
地址:鲗鱼涌英皇道939号地下
电话:2561 5151
营业时间:星期一至日:11.30am-11.30pm
必食法式牛油鸡翼，每只鸡翼都大大只同充满蒜香，佢哋将鸡翼先油炸，再加蒜同牛油回镬，所以鸡翼唔会太油腻，而皮脆肉滑唔厚粉，口感好之余令人回味无穷。
炸鲮鱼球、蜜汁叉烧店名：天得食坊
地址：香港筲箕湾道360A天悦筲箕湾广场地库天悦食街2G 3-5铺
电话：2567 6065
营业时间：星期一至日: 11am-11pm
天得食坊嘅蜜汁叉烧最受街坊欢迎，无论烧味饭或烧味外卖，每日都卖过唔停，因为老板自设工场，亲自监制每件叉烧都必用猪嘅梅头肉，所以每块叉烧都肥瘦均匀且好质感，大大件兼唔黐牙。
除咗蜜汁叉烧外，炸鲮鱼球老板就大力推介，打碎咗嘅鲮鱼肉加上果皮同调味料，搓成丸状后炸，大大粒脆卜卜嘅新鲜炸鲮鱼球就完成，同蚬介酱一齐食就最啱，咸咸嘅蚬介酱可带出鱼嘅鲜味，大件夹抵食。
牙车快店名：老赵越南风味餐厅 (黄埔分店)
地址：九龙红磡黄埔花园第八期蔡澜美食坊二楼
电话：2330 7212
营业时间：星期一至日: 12noon-11pm老赵系第一代喺香港开业嘅越南餐厅，当年由大排档形式经营嘅老赵，发展至今日已经相当具规模，系越南菜嘅代表。招牌菜牙车快（鸡丝椰菜沙律），系食家蔡澜至爱菜式，建议食嗰时加入餐厅自家调配嘅「鱼露醋」，甜、酸、辣、咸四味交融，相当醒胃。
腩店名：天下第一腩
地址：黄埔新村民泰街31号A1地下
电话：2330 8598
天下第一清汤腩，选用新鲜牛腩，炆足六个锺，爽口唔黐牙，汤底用新鲜牛骨同牛腩熬上六个锺，唔加味精，净系加D咁哚盐同胡椒粉，己经鲜味十足。另有招牌天仙配咖喱牛腩面，爽滑伊面与香辣咖喱直头系一大绝配。除咗粉面，潮州咸爽猪手同鲍汁鲜鸡脚都好受欢迎，猪手爽口唔肥腻，浸落D猪手汤度食仲美味，而鸡脚则食落有甘香鲜味嘅鲍鱼香。
可丽饼
店名：滋味一番可丽饼
地址：九龙尖沙咀东新文华商场62号地铺
电话：2116 2632
可丽饼起源于法国，近几年受到世界各地欢迎。滋味一番参考咗唔同地方嘅可丽饼制造方法，经过不断硏发及加以改良，终于创制出独特嘅可丽饼饼粉配方，亦将原先单调嘅造法同味道加以硏究及料理，创制出多款香脆美味又可口嘅可丽饼。讲真，呢样嘢我就未食过，净系听D朋友成日喺度讲点好食法。下次落香港一定要试下。
意大利巴马芝士饭
店名：地址 九龙旺角通菜街2P地铺
电话：2780 6200
营业时间：星期一至日 :11:30am-12:00pm
意大利巴马芝士饭，采用嘅系意大利最高级嘅芝士。
呢种芝士获得意大利巴马区法定机构认证及认可。喺五星级酒店食起码要百几二百蚊，依家好似五十几蚊就有得食，绝对系超值之选，锺意食芝士嘅朋友千其唔好错过!
粥
店名：景记粥王
地址：旺角广华街48号广发大厦地下1号铺
电话：2721 3632
营业时间 星期一至日:7am-11pm
景记嘅首本名粥，必数各式鲜鱼靓粥同咸鸡粥。肥美鲜嫰嘅鲩鱼腩永远最早沽清，而咸鸡肉用秘方腌制，肉质咸香鲜嫰，滋味十足。景记用料新鲜唔在讲，靓粥底先至系精髓所在，所以味道格外鲜甜。再配合自制嘅炸面「油炸鬼」，品质绝对一流。
椰青甘露、榴莲布甸、芒果沙律卷
店名：糖点
地址：九龙弥敦道769号地下I-J铺
电话：23983821
营业时间：星期一至日: 12noon-1am
椰青甘露，糖点用椰青水而唔系椰汁或糖水，加入雪糕使呢个甜品入口更加青甜。锺意食榴莲嘅人一定要到糖点试试用榴莲制嘅各式甜品，所有榴莲甜品都份量十足，且冇加糖，净系用榴莲天然嘅香甜味，榴莲布甸就是一个必食嘅品种。榴莲布甸嘅颜色呈淡黄，睇落去冇咩特别，但原来入口香滑似炖蛋，就好似啖啖无核榴莲肉，唔会太甜但越食味道越浓，口中充满榴莲嘅清甜香味，食多多都唔会滞。唔锺意食榴莲嘅喺糖点都有好多选择，好似非常受欢迎嘅芒果沙律卷，都系即叫即包即炸，保证新鲜。
富士山、冰火雪球、金枝玉露
店名：甜梦园小栈
地址：深水埗元州街146-150号
电话：23617707
营业时间：星期一至日：11:30am-1am
佢哋自制嘅芒果雪糕至受欢迎，只要你柯打芒果凉粉、西米露等，都会伴上呢款自制雪糕球。另一款镇店甜品富士山，喺发好嘅蛋白忌廉山上铺上新鲜杂果粒，再用火燃点，火焰中嘅雪山卖相吸引。甜食一向会令人联想到体重增加及不附合健康原则，但呢度嘅金枝玉露，绝对适合注重健康人士嘅要求，主要材料系以南瓜露打底，再加入芋丝及粟米粒，全部材料都系高纤维，加上糖份少，连糖尿病人都照顾到。另一款热食甜品芝麻炖蛋，系热辣辣出炉嘅炖蛋上淋上香滑芝麻糊，一啖炖蛋食出两种味道，或者可选择合桃糊味道。
火焰带子
店名 ? 滨松町日本料理
地址 ? 九龙油麻地渡船角文苑街11及14号地下
电话 ? 23743536
营业时间 星期一至日: 11am-3pm, 6pm-2am
呢间嘢独创嘅火焰带子最为盏鬼，原只连壳带子配明太子、金菇同冬菇粒烤焗，上桌时再点火烧十分钟，气势十足，用嚟握妹妹仔都得。另一款小食博德黄金屋，将蛋皮同虾胶逐层迭成三文治状，然后炸至金香可口。
肉骨茶、参乜
店名:小猪肉骨茶
地址:九龙油麻地吴松街65-67号地下
电话:3421 2392
营业时间:星期一至日: 11am-4am
小猪肉骨茶主力推介星马食品，大厨是星马华侨，所以当然精通星马菜，其中嘅肉骨茶就不容错过，为咗迎合香港人嘅口味，小猪嘅肉骨茶比传统嘅淡，药材味较轻，更易入口。而海南鸡饭就采用新鲜黄油鸡，用香茅煮嘅鸡油饭，足以令人回味无穷。另一星马地道菜参乜亦可以喺呢度食到，参乜其实喺用星洲沙爹酱炒鸡、牛等肉类嘅小菜，香辣惹味好受欢迎。其它小食如星洲春卷、沙爹串烧同炒萝卜糕亦相当唔错。
鸭肉汤河、咖喱鸳鸯面
店名：金牌泰国菜馆
地址：九龙九龙城南角道9号地下
电话：27188082
营业时间：星期一至日: 11am-11pm
鸭肉汤河用新鲜鸭肉、猪红同鸭肾，鸭肉软滑，肥瘦恰到好处，加上香葱芽菜等配料，够晒野味香口。另一款金牌独有咖喱鸳鸯面亦喺唔可以错过嘅小食，咖喱香甜且充满椰汁鲜味，咖喱汁又浓又滑，配上汤面同炸面，一滑一香脆，一次过满足两种口感。
店名：奇趣屋西日美食餐厅
地址：新界元朗教育路52号德荣楼地下
电话：2477 1010
营业时间：星期一至日：7am-1am
呢间嘢都几多花款：好似法国鹅肝牛柳炒饭，一般西餐厅通常只有香煎鹅肝，好少配上饭。呢道菜使鹅肝香味渗上白饭，特别适合锺意食鹅肝又想有充实饱肚感嘅食客。另外瑞士芝士焗西班牙海鲜奄列，卖相同pizza相似，其实喺以丰富嘅海鲜铺满奄列嘅面头，配以香浓嘅芝士，一齐焗出充满海鲜风味嘅特色奄列。小食方面，值得一试奇趣屋嘅炸蟹籽沙律，配上芒果酱汁嘅天妇罗，外层香脆，内层又保持冷冻感，实属特色滋味小食。
店名：Chedi
地址：中环伊利近街38号地下
电话：2868 4445
呢间喺食泰国菜，我觉得都几正宗，辣嘅够辣，酸嘅够酸，唔会刻意迎合港式饮食文化，而且经常喺传统菜式度注入新元素。最欣赏喺一道叫蘑菇沙律嘅菜。先嚟一股劲辣，之后喺青柠嘅酸，仲有其它泰式香料嘅味道，甜酸苦辣味道分明，好刺激！芒果糯米饭嘅糯米蒸之前先用椰奶同水浸泡一个锺，入口软滑，食嗰时再点D椰浆就更清香啦。
街坊感觉嘅快餐——“澳洲牛奶公司Australia Daily Company”
地址:九龙佐敦白加士街47号地下
电话: 2730 1356
呢度d伙计好有江湖味,但系又好亲切喎,“几位?”“呢边呢边”“食d乜”~~~完全无讲“唔该”两个字,但系我又觉得好有街坊感觉，侍应经常口花花,女仔小心d。喺呢度你会感觉到一个“快”字，因为你一食完，佢哋就收走你D嘢，跟本唔会俾你坐多阵。
蛋白炖牛奶:好香,好滑
多士：又厚又好味
莲子冰:好大杯,好多莲子
反朴归真__顺德陈村粉\猪骨粥
店名:陈村粉猪骨粥店
地址:九龙尖沙咀柯士甸路7-9号焕利商业大厦地下B铺
电话:35291260
营业时间:星期一至日：9am-2am
简单一碟粉淋上秘制嘅豉油，不油不腻，想口味浓D，可选择卤肉片陈村粉，亦可选择较清淡嘅鱼片陈村粉。除了招牌陈村粉，仲有菜干猪骨粥，大厨用新鲜桶骨熬粥底至绵，煲至腍身嘅菜干入口无渣。呢间嘢好就好喺食品全部唔加味精，另外直得推荐嘅仲有原盅炖花菇响螺鸡脚汤，好似每日限量供应三十盅，上次去到净得最后一盅,朋友都冇得食。
私房菜
店名：家宴厨艺
地址：尖沙咀海防道53-55号海防大厦15楼2室
电话：81083682、23011728
好似呢间嘢喺由余志强（香港名厨）打理嫁。重点推荐龙虾柚子沙律、毛茄伴酒糟南瓜虾同埋年糕豆腐伴酸辣蟹。
王林记鱼蛋王
Tel : 2886 0068
一间位于筲箕湾东大街10号地下的鱼蛋面店,不能错过的就是这裹的香葱鱼蛋,粒粒都是王师传用手制出来的.有口感而且爽口弹牙.可能吃过后你都会买斤香葱鱼蛋回家再赏,或者试试用来煮乌冬,相信都会几美味.
丽香园冰室
九龙佐敦新填地街38号地铺
2780 4009
自制面包、蛋挞、西饼新鲜出炉，沙爹牛肉面
嘉多利餐厅
九龙佐敦白加士街60号地铺
2730 4094
小菜客饭、梅菜蒸鱼腩、盐局鸡饭、煲仔小菜、奶茶
鹿鸣春九龙尖东么地道42号二楼
23665839
天津狗不理、北京填鸭、京烧羊肉
金满庭
九龙大角咀海庭道18号奥海城2期U606B铺
29101000
砂锅云吞鸡、担担面
名人御厨心机菜-黄色门厨房
地址: 中环阁麟街37号祥兴大厦6字楼
电话: 2858 6555
卖点: 上海及四川菜。
四川烟熏羊肉煲,地道家乡风味,不可多得.
这一锅以萝卜,青蒜文火清煮嘅熏羊,醇厚真味,洋溢住山乡纯朴风味,天然妙韵独树一格,唔可以唔试!
四川烟熏羊肉煲,每位$120,起码要两个人食先俾点,即喺起码要240蚊先有得食,价钱都几乸利嫁!
至TOP嘅私房菜_囍宴
地址: 湾仔区近大王西街
电话: 熟客先有
供应时间: 7pm-11pm
收费: 6位起，10道菜每位$300（星期三至五）、10道海鲜菜每位$450（星期六）只收现金，不设加一。
订位情况: 极难订位(我朋友上年圣诞节话请我食,订位订到依家都未有得食)
卖点: 开业三年，好快成为至TOP嘅私房菜，新客好难订位，排队要排几个月，系私房菜之中少有嘅奇迹。老板兼厨师Jacky精通上海、四川、泰、日fusion菜，presentation令人哗哗声。听闻将推出第二辑私房菜食谱，既令人兴奋,又令人失望，因为我净系听朋友死喺度赞，自已又冇得食。 ?
三百万豪装古董私房菜 - 庆公宴
卖点：极品名茶配以精致古董家俬摆设嘅私房菜。匠心独运嘅菜色配合醉人嘅情怀，令人完全融入清末民初嗰份浓厚古典嘅精致感觉。最适合喜欢享受嘅优皮一族，或者繁忙都市中寻找片刻宁静嘅现代人。
地址﹕中环兰桂芳8-11号昌隆商业大厦10楼
订座﹕2536 9773
营业时间﹕1:00pm - 6:00pm (品茗时段)
? ?
7:30pm - 11:30pm (晚饭时段)
呢间店由三个老细组成，一个玩古董，一个做IT，一个喺专门煮嘢食。三个都好锺意饮茶，所以每一个嚟食饭嘅客人，临走都会有一包铁观音送。D老细仲周不时出嚟同你倾下饮食之道。
店名：大众海鲜小厨
沙田怡成坊翠华花园8-10号地下 (河畔花园对面)非常特色小厨、非常师傅、非常菜色、非常野味、非常价钱。总而言之，非笔墨所能形容。
单看铺面似乎只是普通的大排档，但该店的黄师傅原来厨艺十分精湛，能将禽畜内脏烹炒成上乘极品。如XO酱爆猪天梯（猪舌上颚）爽口松脆、牛心顶（牛心瓣）弹牙、而蒜香炸鸭下爬亦非常香口。
菜色鲜脆野味，又很够镬气，师傅说用来送啤酒就最理想。另外还有著名的姜葱霸王鸡都是用秘方汁料肴制，新鲜嫩滑。
店名：咏藜园（川菜）
钻石山联谊路一号著名四川菜馆，老字号驰名港九新界。特色是家俬古旧，中国味浓，甚具粤语片年代的感觉，想重回当年情景的朋友，必定要去一趟。
招牌菜有四川担担面（古方四川手法拉面）、大千鸡（张大千最喜爱的麻辣鸡）及干扁四季豆等等。每样菜色都制法独特，拉面每天限量制造，想吃最好衬早订台。
有好多名星都喜欢光顾，如周星驰、李力持等等。
香港地区酒店网上预订: (
